शासकीय योजना पोहचण्यासाठी कार्यकर्त्यांनी संदेश वाहकाचे काम करावे : मनिषा फुले

 दि १०/०९/२४

पंढरपूर - मंगळवेढा तालुकास्तरीय वंचित घटकासाठी चा योजनच्या माहिती मेळाव्याचा सांगता समारंभात उपस्थित जनसमुदाय 

लोकपर्व न्यूज नेटवर्क 

महाराष्ट्र शासनाच्या वतीने समाजातील वंचित घटकासाठी वेगवेगळ्या योजना राबवल्या जातात. या योजना तळागाळातील लोकापर्यंत पोहोचल्या तरच त्यांची प्रगती होणार असल्याने वंचित घटकापर्यंत योजना पोहोचण्यासाठी कार्यकर्त्यांनी संदेश वाहकाचे काम करावे असे मत इतर मागास बहुजन कल्याण सोलापूरच्या सहायक संचालिका मनिषा फुले यांनी केले.

त्या मंगळवेढा येथे इतर मागास बहुजन कल्याण विभाग-महाराष्ट्र राज्य व सहाय्यक संचालक इतर मागास बहुजन कल्याण, सोलापूर यांच्यावतीने विमुक्त जाती व भटक्या जमाती, इतर मागास व विशेष मागास प्रवर्गासाठी शासकीय योजनांचा प्रचार व प्रसार करण्यासाठी आयोजित करण्यात आलेल्या पंढरपूर-मंगळवेढा संयुक्त तालुकास्तरीय आयोजित सांगता समारंभात मेळाव्यात बोलत होत्या.

 यावेळी व्यासपीठावर नायब तहसीलदार हरिदास चांडोले, मंगळवेढाचे गटशिक्षणाधिकारी बिभिषण रणदिवे, निवासी नायब तहसीलदार चंद्रकांत हेडगिरे, नगरपालिका प्रशासन अधिकारी सचिन मिसाळ, अर्चना जनबंधू, पोलीस उपनिरीक्षक विजय पिसे तसेच मंगळवेढा - पंढरपूर तालुक्यातील सर्व आश्रमशाळांचे प्राचार्य, मुख्याध्यापक उपस्थित होते. 

मेळाव्याचे उद्घाटन थोर महात्म्यांच्या प्रतिमेचे पूजन व दीप प्रज्वलन करून करण्यात आले.

नव्याने स्थापन झालेल्या इतर मागास बहुजन कल्याण महामंडळामार्फत अनेक योजना निर्माण झाले आहेत या सर्व योजनांचा लाभ घेण्याचे आवाहन त्यांनी उपस्थितना केले व या योजना जास्तीत जास्त गरजू लोकांपर्यंत कशा पोहोचतील यासाठी प्रयत्न करण्याच्या सूचना केल्या 

* प्रमुख पाहुणे म्हणून बोलत असताना गटशिक्षणाधिकारी डॉ बिभीषण रणदिवे ,कार्यक्रमाचे हरिदास चांडोले, विजय पिसे, चंद्रकांत हेडगिरे, वेदांत वाले यांनीही आपले मार्गदर्शन पर मनोगत व्यक्त केले. मेळाव्यात आश्रम शाळेतील विद्यार्थ्यांनी प्रबोधनपर विविध सांस्कृतिक कार्यक्रम सादर करून उपस्थितांची वाहवा मिळवली.

पढरपूर- मंगळवेढा संयुक्त तालुकास्तरीय मेळाव्याचे

 निवेदन विक्रम बिस्किटे यांनी तर आभार राजेंद्र पोद्दार यांनी मांडले. मेळावा यशस्वी करण्यासाठी आश्रमशाळांचे प्राचार्य राजेंद्र पोतदार, गणपती पवार, राजाराम दत्तू, गुरुदेव स्वामी, संजय मोरे, मुख्याध्यापक सुनील साळे, विलास पवार, प्रकाश माळी, गोरखनाथ भोसले, विठ्ठल कारंडे तसेच शिक्षक, शिक्षिका व शिक्षकेत्तर कर्मचारी परिश्रम घेतले.

उद्घाटन समयी दिपप्रज्वलन करताना मान्यवर